Ekonomi

Bajrami i reagon kryeministrit Kurti për Investimet e Huaja Direkte: Kjo ka ndodhur nga blerja e banesave nga mërgata

Posted on by botaelajmeve

Deputetja e Lidhjes Demokratike të Kosovës (LDK), Hykmete Bajrami, i ka reaguar kryeministrit Albin Kurti, pasi ky i fundit tha se ka rritje të Investimeve të Huaja Direkte në vendin tonë.

Bajrami ka shkruar në Facebook se kjo ka ndodhur kryesisht nga inflacioni dhe nga blerja e banesave nga mërgata.

“Qeverisja e ndershme paska thënë Kryeministri, cila, kjo e 900 tenderëve të negociuar, qeverisja me Martin Berishajn, Nagip Krasniqin, me tatimet që ju merren bizneseve e mandej ministrat e tu ju japin familjarëve për OJQ?”, ka shkruar deputetja e LDK-së.
Bajrami ka shtuar se Qeveria nuk ka bërë asnjë reformë fiskale.

“Gjatë këtij mandati kanë ndodhë dy ndryshime: rritja e tatimit në pronë dhe lirimi në prej 6.8 Euro në të ardhurat personale. A beson dikush që këto reforma kanë ndikuar në rritjen e investimeve të huaja direkte?!”, ka shkruar ajo, transmeton Telegrafi.