Zëvendëskryeministri i parë në detyrë i Republikës së Kosovës, Besnik Bislimi, ka pritur sot në takim Ambasadorin e ri të Italisë në Kosovë, Maurizio Antonini, transmeton KosovaPost.
Gjatë takimit, zëvendëskryeministri Bislimi e uroi ambasadorin për detyrën e re dhe i uroi mirëseardhje në Kosovë. Palët diskutuan për marrëdhëniet bilaterale dhe theksuan rëndësinë e fuqizimit të bashkëpunimit në fusha me interes të përbashkët.
Bislimi ritheksoi përkushtimin e Kosovës për integrimin evropian, si dhe angazhimin në zbatimin e reformave. Në takim u trajtua edhe procesi i dialogut me Serbinë dhe takimet e fundit të zhvilluara në Bruksel.
Ai falënderoi ambasadorin Antonini për takimin dhe bisedën, duke shprehur gatishmërinë për bashkëpunim të ngushtë dhe avancim të mëtejmë të marrëdhënieve ndërmjet Kosovës dhe Italisë.
Të tjera
Ata para nesh e lodhën veturën ‘në të parën, ne jemi në të tretën’
Mesazhi prekës i Xhakës për tifozin e Sunderland
Nesër votohet në përfaqësi diplomatike, KQZ-ja del me detaje