Caicedo merr shiritin e kapitenit te Ekuadori

Moises Caicedo është bërë kapiteni i ri i Ekuadorit, pasi Enner Valencia vendosi t’ia dorëzojë shiritin gjatë Kupës së Botës.

Valencia, 36 vjeç, ia dorëzoi zyrtarisht shiritin yllit të Chelseat në një ceremoni emocionale para bashkëlojtarëve, pasi Ekuadori siguroi kualifikimin në fazën me eliminim direkt.

Ky vendim shihet si nisja e një epoke të re për Ekuadorin, një kombëtare që ka në përbërje shumë talente të rinj. Valencia, ish-sulmuesi i West Hamit, pranoi me këtë gjest se e ardhmja e ekipit tashmë i takon Caicedos.

Mesfushori 24-vjeçar, i cili u bë një nga lojtarët më të shtrenjtë në botë kur iu bashkua Chelseat për 115 milionë paund, konsiderohet si figura kryesore e brezit të ri të Ekuadorit.

Ekuadori në moment historik

Fitorja e madhe 2-1 ndaj Gjermanisë i siguroi Ekuadorit kualifikimin e parë në fazën me eliminim direkt pas dy dekadash.

Pas një nisjeje të dobët me humbje ndaj Bregut të Fildishtë, Ekuadori u rikthye fuqishëm, fillimisht me barazimin 0-0 ndaj Curaçaos dhe më pas me triumfin historik ndaj Gjermanisë në New Jersey.

Valencia ishte kapiten në dy ndeshjet e para, ndërsa Caicedo mbajti shiritin në fitoren ndaj Gjermanisë.

Në fazën tjetër, Ekuadori do të përballet me Meksikën në stadiumin “Azteca”. Nëse kalon më tej, mund të përballet me Anglinë gjatë rrugëtimit në Kupën e Botës.