Kombëtarja e Spanjës dhe ajo e Anglisë do të takohen sot (14 korrik) në ‘Olympiastadion’ të Berlinit në kërkim të trofeut.
Dy ekipet kombëtare do të përballen në finalen e madhe të Euro 2024 me fillim nga ora 21:00 në atë që premton të jetë një ndeshje spektakolare dhe emocionuese.
‘Furia e Kuqe’ për të arritur deri në finale fillimisht fitoi me pikë maksimale Grupin B aty ku bënin pjesë Shqipëria, Kroacia dhe Italia.
Më pas në fazën e 1/8 së finales eliminuan Gjeorgjinë për të mposhtur pastaj nikoqirin Gjermaninë në çerekfinale dhe Francën në gjysmëfinale.
‘Tre Luanët’ në anën tjetër për të siguruar kalimin deri në finale fillimisht fituan Grupin C duke e mbyllur si lider me pesë pikë të grumbulluara.
Më pas në 1/8 e finales anglezët mposhtën Sllovakinë, Zvicrën e eliminuan në fazën çerekfinalen, ndërsa Holandën e mposhtën në gjysmëfinale.
Spanja do të synojë ta rikthejë në shtëpi trofeun që i mungon që prej vitit 2012 kur mposhtën Italinë në finale të Kampionatit Evropian, ndërsa Anglia për të bërë historinë dhe për ta fituar për herë të parë.
Kjo do të jetë finalja e dytë rresht e Kampionatit Evropian për Anglinë, pasi në vitin 2020 pësuan në shtëpinë e tyre në ‘Wembley’ ndaj Italisë pas ekzekutimit të penalltive
Të tjera
Gjykata Speciale: Haxhi Shala dënohet me tri vjet burgim, Januzin dhe Bahtijarin me nga dy vjet
Xheneta: Jam e lënduar, ndjenjat e Gjestit nuk kanë qenë të sinqerta – nuk do të hyj e as nuk do të përballem me të në Big Brother Albania
Xheneta Fetahu thyen heshtjen, flet për herë të parë pas daljes nga Big Brother: Kam qenë e vërtetë, edhe pse kam bërë gabime