Drejtoria e Arsimit në Prishtinë ndryshon orarin e mësimit për shkak të Ramazanit

Drejtoria e Arsimit ka njoftuar se për shkak të muajit të Ramazanit ka bërë rishikimin e organizimit të procesit mësimor në shkollat e Prishtinës.

Sipas njoftimit, mësimi do të fillojë nga ora 07:30. Gjithashtu, është vendosur që të shkurtohet kohëzgjatja e mesndërrimit dhe të reduktohen pushimet e gjata.

Qëllimi i këtyre ndryshimeve është që procesi mësimor të përfundojë më së largu deri në orën 17:00, pa u zvogëluar numri dhe kohëzgjatja e orëve mësimore, duke ruajtur cilësinë dhe vazhdimësinë e mësimit.

Postimi i plotë:

Të nderuar nxënës, prindër dhe staf i shkollave të kryeqytetit,

Për shkak të muajit të shenjtë të Ramazanit dhe në respekt të agjëruesve, Drejtoria e Arsimit ka rishikuar organizimin e procesit mësimor.

Është vendosur që mësimi të fillojë nga ora 07:30, të shkurtohet kohëzgjatja e mesndërrimit si dhe të reduktohen pushimet e gjata.

Këto ndryshime bëhen me qëllim që procesi mësimor të përfundojë më së largu deri në orën 17:00, pa u zvogëluar numri dhe kohëzgjatja e orëve mësimore, duke ruajtur cilësinë dhe vazhdimësinë e mësimit.