Atleti suedez i kërcimit me shtizë, Mondo Duplantis, gjimnastja amerikane Simone Biles dhe talenti i Barcelonës, Lamine Yamal u nderuan të hënën mbrëma në ceremoninë e ndarjes së çmimeve sportive Laureus në Madrid.
Dy herë fituesi olimpik dhe mbajtësi i rekordeve botërore (6.27 metra) u zgjodh atleti i vitit, duke u bërë sportisti i dytë që fiton çmimin prestigjioz pas legjendës së sprintit Usain Bolt.
Gjimnastja amerikane Simone Biles mori çmimin Sportistja e Vitit për herë të katërt në karrierën e saj pasi fitoi tre medalje ari dhe një argjendi verën e kaluar në Lojërat Olimpike në Paris.
Real Madridi u nderua me trofeun e ‘Skuadrës së Vitit’ pasi fitoi Ligën e Kampionëve të 15-të vitin e kaluar dhe një kurorë të trefishtë historike (La Liga, Liga e Kampionëve, Superkupa e Spanjës).
Legjenda e tenisit, Rafael Nadal mori një çmim special “Ikona sportive”, ndërsa surferja amerikane Kelly Slater, 11 herë kampione e botës, mori vlerësimin për karrierën e saj.
Të tjera
Sa minuta vrap duhen në ditë për qeliza të shëndetshme
Ushqimet që duhet t’i ketë fëmija në çantë
Pëlqeni keçap apo salcë domateje, ky shkrimi do ju bëjë të ndryshoni shije