Dega e Lidhjes Demokratike të Kosovës në Prizren ka njoftuar se flakët kanë kapluar edhe zonën e Parkut të Biznesit, që sipas këtij subjekti politik prej kohësh është shndërruar në deponi mbeturinash dhe në djerrinë.
Sipas njoftimit të degës së LDK-së, injorimi i kërkesave për pastrim dhe funksionalizim të kësaj zone ka sjellë deri te situata e sotme, raporton Telegrafi.
“Reagimi me kohë i Lidhjes Demokratike në Prizren, për mosfunksionalizimin e Zonës Ekonomike dhe kthimit të asaj pjese në deponi mbeturinash dhe djerrinash nuk i bëri të reagojnë me kohë institucionet e qeverisjes komunale. Sot, pamjet tregojnë që kjo zonë është kapluar nga flakët. E gjitha shkaku injorimit të reagimeve tona si parti”, thuhet në reagimin e Zyrës për Informim të degës së LDK-së.
Ky subjekt ka theksuar se zjarrfikësit meritojnë çdo respekt dhe mirënjohje, ndërkohë që menaxhimin e qytetit nga kryetari Shaqir Totaj e kanë cilësuar si të dështuar.
Të tjera
Hajdari me veteranët: Veteranët janë damari i lirisë, ata meritojnë dinjitet që s’ua cënon dinjitetin
51-shi i PDK-së: Bedri Hamza është kryeministri i ardhshëm, ne jemi përfaqësuesit e projektit që e nderon vendin
Petrit Hajdari në Komoran: Mesazhi ynë Kosova munet ma mirë po grumbullon qytetarë gjithandej.