Granit Xhaka sqaron rastin e penalltisë në Serbi, ja pse nuk goditi

Në vigjiljen e ndeshjes mes Zvicrës dhe Danimarës ka ende vend për atë çfarë ndodhi në takimin e humbur nga kombëtarja helvete në Serbi.

Të gjithë gazetarët zvicerianë ishin të interesuar për mënyrën se si Jakin ka zgjidhur goditësit e penalltisë.

Sipas medieve zviceriane në të gjitha ndeshjet trajneri cakton tri goditës. I pari është Granit Xhaka, i cili është edhe kapiteni i skuadrës ndërsa i dyti është zëvendëskapiteni, Manuel Akanzhi.

Sa i përket emrit të tretë mësohet se ai vend është vakant pasi varet nga njëmbëdhjetëshja, e cila zbret në fushë.

Për këtë motiv Bril Embolo nuk duhej që të prezantohej në pikën e bardhë, pasi në fushë ishte si Granit Xhaka dhe Manuel Akanzhi.

Për këtë temë u prononcua vetë kapiteni i skuadrës, i cili tregoi përse nuk refuzoi që ti kalonte topin Embolosë.

“Bril ndihej mirë.

Ne jemi një ekip dhe për mua ka shumë rëndësi nëse dikush ndihet mirë dhe kërkon të marrë përgjegjësi. Më pëlqejnë shumë lojtarët, të cilët në të tilla momente hedhin një hap para dhe marrin përgjegjësi”, tregoi Xhaka.