Gruaja dhe djali i gjyqtarit Laban punojnë në institucione paralele serbe
Lajme

Gruaja dhe djali i gjyqtarit Laban punojnë në institucione paralele serbe

Posted on by Bota e Lajmeve

Ditëve të fundit, gjyqtari i Gjykatës Kushtetuese, Radomir Laban, ka qenë në qendër të vëmendjes së opinionit publik pas vendimit të presidentes Vjosa Osmani për të tërhequr kërkesën e saj ndaj Kushtetueses.

Osmani kishte kërkuar heqjen e Laban si raportues për rastin e konstituimit të Kuvendit, duke e cilësuar atë si një “rrezik për sigurinë kombëtare”.

Presidentja tërheq kërkesën nga Gjykata Kushtetuese, shkak gjyqtari serb Radomir Laban.

Gjykata Kushtetuese ka dalë me një sqarim, duke deklaruar se Laban është emëruar në vitin 2018 sipas të gjitha procedurave kushtetuese dhe nuk ka pasur shkelje të rregullave ligjore.

Kushtetuesja refuzon kërkesën e gjyqtarit Laban për t’u përjashtuar nga rastet e Kuvendit.

Në “Debat Plus”, autori i emisionit Ermal Panduri ka sjellë disa informacione mbi familjen e gjyqtarit.

“Ekskluzivisht në Debat Plus, sjellim edhe disa të dhëna mbi familjen e tij: bashkëshortja e Laban, Radoica, prej vitit 2020 punon si bibliotekiste në shkollën paralele të mjekësisë në Graçanicë; djali Aleksandar, jurist, që nga viti 2023 punon në Kuvendin paralel të Komunës së Deçanit; ndërsa djali tjetër, Arso, është i punësuar në të ashtuquajturin Muze të qytetit të Mitrovicës”.

“Nëse gjyqtari Laban përbën realisht rrezik për sigurinë kombëtare, apo nëse kemi të bëjmë vetëm me deklarata te kushtëzuara nga zhvillimet politike e juridike të momentit, mbetet të shihet në ditët në vijim”, ka shtuar Panduri.