Gruaja e Rexhep Selimit tregon arsyen pse mungoi në protestën e OVL- UÇK-së, ja kujt i drejton akuza

Bashkëshortja e Rexhep Selimit, njëkohësisht deputete nga Lëvizja Vetëvendosje, Shqipe Mehmeti Selimi, ka reaguar pas protestës së OVL- UÇK dhe mungesës së saj në të.

Selimi përmes një shkrimi në Facebook, ka shkruar se padrejtësitë që ndodhin në Hagë, janë pasojë direkte e atyre që votuan pro Gjykatës Speciale.

Tutje, ajo ka shtuar se nuk ishte familjare e vetme që mungoi në protestë.

Shkrimi i plotë:

Po të protestoja për diçka, do të filloja nga ky fakt:

82 deputetë votuan pro themelimit të Gjykatës Speciale:

30 nga PDK

34 nga LDK

18 nga partitë e komuniteteve pakicë.

Jam e sigurt se ndonjëri prej tyre ka qenë në protestë, duke protestuar ashpër kundër asaj që vetë e ka votuar.

E deri te padrejtësitë e fundit që po ndodhin aktualisht në Hagë, të cilat janë pasojë direkte e asaj vendimmarrjeje.

Nuk isha une familjarja e vetme që mungova në protestë, por nga portalet u përmend vetëm emri im që të sulmohet Lëvizja VETËVENDOSJE!