Kryetari i Aleancës për Ardhmërinë e Kosovës (AAK), Ramush Haradinaj ka pritur në takim ambasadorin britanik në Kosovë, Jonathan Hargreaves.
Përmes një postimi në Facebook, Haradinaj bëri me dije se me diplomatin britanik kanë diskutuar mbi proceset nëpër të cilat po kalon vendi dhe për avancimin e marrëdhënieve bilaterale ndërmjet Mbretërisë së Bashkuar dhe Kosovës.
“Ambasadorin Hargreaves e falënderova për angazhimin e tij dhe të Mbretërisë së Bashkuar në mbështetje të Republikës së Kosovës. Kosova vlerëson lart marrëdhëniet e shkëlqyera me Mbretërinë e Bashkuar dhe mbështetjen e vazhdueshme për forcimin e subjektivitetit tonë shtetëror në arenën ndërkombëtare. Në këtë drejtim, anëtarësimi i Kosovës në NATO mbetet një domosdoshmëri strategjike për paqen, sigurinë dhe stabilitetin afatgjatë në rajon”, ka shkruar ai./Kosova Post/
Të tjera
U raportua se nuk u lejua të udhëtojë në Amerikë, sqarohet Egzon Ibrahimi
KQZ finalizon dizajnin e fletëvotimeve me 21 subjekte politike
Zvicra publikon listën për Botëror, ftohen Granit Xhaka dhe Ardon Jashari