Hargreaves në KQZ, me Radoniqin flasin për zgjedhjet lokale

Kreu i KQZ-së, Kreshnik Radoniqi ka qenë nikoqir i takimit me diplomatin britanik në Kosovë, Jonathan Hargreaves, transmeton KosovaPost.

Vetë ambasadori pas takimit ka treguar për temat që folën e që thotë se bashkë diskutuan për zgjedhjet e ardhshme e për nevojën që të gjithë aktorët të respektojnë plotësisht ligjet dhe procedurat që mbështesin proceset demokratike të Kosovës.

“Sot u takova me kryetarin e Komisionit Qendror të Zgjedhjeve, Kreshnik Radoniqi. Diskutuam përgatitjet për zgjedhjet e ardhshme lokale dhe nevojën që të gjithë aktorët të respektojnë plotësisht ligjet dhe procedurat që mbështesin proceset demokratike të Kosovës. Mbretëria e Bashkuar vazhdon të qëndrojë fort pas institucioneve të Kosovës dhe rolit të tyre vendimtar në mbrojtjen e demokracisë dhe sundimit të ligjit”, ka shkruar ai.