Ushtruesja e detyrës sw presidentes së Kosovës, Albulena Haxhiu, priti sot në takim Ambasadorin e Republikës Federale të Gjermanisë në Kosovë, Rainer Rudolph.
Në takim u theksua rëndësia e partneritetit strategjik ndërmjet Kosovës dhe Gjermanisë, si dhe roli i veçantë që Gjermania ka pasur në momente kyçe për vendin.
“U.d. Presidentja Haxhiu vlerësoi se Gjermania mbetet një nga aleatët më të rëndësishëm të Kosovës dhe theksoi përkushtimin për thellimin e bashkëpunimit në fusha me interes të përbashkët, përfshirë integrimin evropian, ekonominë, sigurinë, sundimin e ligjit, arsimin dhe zhvillimin e qëndrueshëm”, tha Haxhiu thuhet nga Presidenca.
Ajo ritheksoi se Kosova mbetet e përkushtuar ndaj vlerave evropiane, demokracisë dhe bashkëpunimit me partnerët ndërkombëtarë, ndërsa vlerësoi mbështetjen e Gjermanisë si të rëndësishme për avancimin e mëtejshëm të Republikës së Kosovës në proceset evropiane dhe ndërkombëtare
Të tjera
Një shpikje zvicerane ndryshoi mënyrën si qërojmë perimet në mbarë botën
Real Madridi është afër transferimit të parë të verës
Revolucion në Kupën e Botës: Topat do të kenë një sensor lëvizjeje dhe një bateri që mbushet para ndeshjes