Jashar, bëj gati helikopterin! Reagon Hati pas lajmit se asaj dhe bashkëshortit u’a hoqën patentat policia

Tiktokerja e njohur shqiptare, Hatixhe Brika, dhe bashkëshorti i saj, Jashar Stojku, janë përballur së fundmi me ndëshkime nga autoritetet për tejkalimin e normave të shpejtësisë.

Çifti, të njohur për postimet e tyre të rregullta që tregojnë një jetë luksoze dhe makina të shtrenjta, duket se për disa kohë nuk do të kenë mundësinë të shijojnë xhirot e tyre të zakonshme.

Sipas burimeve të mediave, 19-vjeçares dhe bashkëshortit të saj i janë hequr patentat nga policia, për shkak të shpejtësisë së tejkaluar në zonat e banuara. Video të tilla, të postuara në rrjetet sociale si TikTok dhe Instagram, kanë marrë miliona shikime, duke tërhequr vëmendjen e ndjekësve, por edhe të autoriteteve.

Çifti Stojku janë ndëshkuar për shkeljet e tyre: Hatixhe Brika ka marrë një gjobë prej 20,000 lekësh dhe i është hequr patenta, ndërsa për bashkëshortin, masa është edhe më e rëndë – heqje patente për 6 muaj dhe një gjobë prej 40,000 lekësh.

Ndërkohë që lajmi po qarkullon në mediat sociale dhe portalet e lajmeve, Hatixhe, e njohur për natyrën e saj të drejtpërdrejtë dhe të qeshur, ka reaguar me humor ndaj kësaj situate.

Në një postim të shpërndarë nga vetë ajo, Hatixhe shkruan ironikisht: “Jashar, bëj gati helikopterin!” – duke e trajtuar ndëshkimin me një dozë ironie dhe duke i lënë ndjekësit të pyesin nëse lajmi është i vërtetë ose jo.