Me nisjen e muajit të shenjtë të Ramazanit, kryeministri i vendit, Albin Kurti ka uruar besimtarët myslimanë, duke i inkurajuar të tregojnë vetëpërmbajtje, solidaritet dhe mirësi ndaj të tjerëve.
Shefi i Qeverisë, përmes një mesazhi në Facebook, shkroi se Ramazani është një mundësi për reflektim shpirtëror, përforcim të lidhjeve me komunitetin dhe kultivim të virtyteve si empatia dhe mëshira.
Ramazani është muaj i vetëpërmbajtjes individuale dhe i solidaritetit kolektiv, i mëshirës hyjnore dhe i mirësisë njerëzore. Ai na fton që veten ta rigjejmë te bashkësia dhe na rikujton se begatia është bekim, ndërkaq empatia është virtyt. Të gjithë besimtarëve e besimtareve myslimane ju uroj përzemërsisht agjërim të lehtë dhe përmbushje shpirtërore. Ky muaj i veçantë ju sjelltë paqe në shpirt dhe lumturi në zemër. Ju bëftë mirë syfyri i parë!”, shkroi Kurti.
Të tjera
Drejtoria e Arsimit në Prishtinë ndryshon orarin e mësimit për shkak të Ramazanit
Orari i ndeshjeve të javës së 21-të në Superligën e Kosovës në futboll
PDK: Presim vendim të drejtë dhe të pandikuar, besojmë në pafajësinë dhe lirinë e çlirimtarëve