Kalon në lexim të parë të komisionit, Ligji i pasurisë së pajustifikueshme!

Ka kaluar në lexim të parë Projektligji për Byronë Shtetërore për Verifikimin dhe Konfiskimin e Pasurisë së Pajustifikueshme.

Me 7 vota pro, projektligji kaloi në parim.
Komisioni për legjislacion ka mbajtur mbledhjen e radhës, në të cilën është shqyrtuar Projektligji për Byronë Shtetërore për Verifikimin dhe Konfiskimin e Pasurisë së Pajustifikueshme.

Gjatë mbledhjes, anëtarët e komisionit diskutuan për përmbajtjen dhe rëndësinë e këtij projektligji, i cili synon forcimin e mekanizmave ligjorë në luftën kundër korrupsionit dhe pasurimit të paligjshëm.

Pas shqyrtimit, projektligji ka kaluar në lexim të parë, duke hapur rrugë për procedurat e mëtejshme parlamentare.