Në një duel të ngushtë dhe me ritëm të lartë në Prizren, Kosova dhe Shqipëria po zhvillojnë një përballje interesante në kuadër të raundit të parë parakualifikues për “Eurobasket 2029”, ku pjesa e parë u mbyll me epërsi minimale për vendasit.
Pas 20 minutave lojë në palestrën “Sezai Surroi”, Kosova udhëheq 48:47 ndaj Shqipërisë, në një ndeshje ku asnjëra skuadër nuk ka arritur të shkëputet ndjeshëm.
Çereku i parë u mbyll në barazim 23:23, ndërsa në periudhën e dytë Kosova arriti të fitojë lehtë 25:24, duke hyrë në pushim me një pikë avantazh.
Në aspektin individual, te Kosova më i dalluari ishte Drilon Hajrizi me 17 pikë dhe 6 kërcime, duke qenë lideri kryesor ofensiv i ekipit në pjesën e parë. Te Shqipëria, Xhuljan Tola regjistroi 7 pikë, 3 kërcime dhe 1 asistim, duke qenë ndër më të spikaturit për kuqezinjtë.
Ndeshja mbetet e hapur dhe pritet një pjesë e dytë me intensitet të lartë për të vendosur fituesin e këtij dueli mes dy përfaqësueseve shqiptare.
Të tjera
“Zoti ju vraftë”, “thirre ndihmën e shpejtë”, dalin pamjet kur shkrep arma në sheshin e Podujevës, njëri nga personat rrëzohet
Prokuroria për ngjarjen në Podujevë: Vrasje e rëndë në tentativë, të përfshirë nip e dajë, motivi “mosmarrëveshje paraprake”
Kompania kosovare-amerikane nis prodhimin e robotëve tokësor ushtarak