Presidentja e Kosovës, Vjosa Osmani, ka njoftuar se nga sot ka hyrë në fuqi vendimi për heqjen e plotë të tarifave doganore për të gjitha produktet nga Shtetet e Bashkuara të Amerikës.
Në një postim në platformën X, Osmani theksoi se Kosova është vendi i parë që ka propozuar eliminimin e të gjitha barrierave ndaj aleatit më strategjik, duke i dërguar një mesazh të qartë SHBA-së.
“Për Presidentin amerikan dhe popullin amerikan: Kosova është partneri juaj i besueshëm në përpjekjet për ta bërë Amerikën dhe aleatët e saj më të fortë, më të sigurt dhe më të begatë”, shkroi Osmani.
Ajo rikujtoi se kishte kërkuar formalisht nga Qeveria e Kosovës pezullimin e tarifave për mallrat amerikane, si një hap i rëndësishëm drejt forcimit të lidhjeve ekonomike dhe politike mes dy vendeve.
Ky veprim shihet si një përkushtim i qartë i Kosovës për thellimin e bashkëpunimit strategjik me Shtetet e Bashkuara të Amerikës.
Të tjera
Si të veproni pas rënies së shpejtë të shtypjes së gjakut?
FIFA rrit çmimet e biletave për finalen e Kupës së Botës në gati 33,000 dollarë
Nuk e dini sa e rrezikshme është të flini me telefon afër kokës