Kroatët befasojnë shqiptarin e Kosovës – ngjarje e papritur në futboll

Futbollisti nga Kosova, Arbër Hoxha, zhvilloi një ndeshje mjaft të mirë me Kombëtaren shqiptare, në sfidën e fundit përballë Jordanisë.

Sulmuesi kuqezi shënoi një eurogol, teksa edhe kundër Serbisë në Leskovc bëri paraqitje pozitive.

Megjithatë, ai nuk është ndalur me kaq. 27-vjeçari po tregon një formë të mirë edhe me klubin e tij në Kroaci, Dinamo Zagreb.

Në muajin e fundit, ai ka shënuar 2 gola e asistuar në 2 të tjerë, duke qenë protagonist absolut.

Kështu, Federata Kroate e Futbollit ka shpërblyer Hoxhën për paraqitjet e tij.

Sulmuesi i Kombëtares shqiptare ka fituar çmimin prestigjioz “Lojtari i Muajit”, duke “vulosur” protagonizmin e tij.