Kryeziu, më i miri i xhiros

Futbollisti i Ballkanit, Almir Kryeziu, është shpallur më i miri i xhiros së nëntë në Superligën e Kosovës.
Federata e Futbollit e Kosovës shpall më të mirin e secilës xhiro, kurse ka përzgjedhur Kryeziun për ndeshjet e fundjavës.

Ai udhëhoqi Ballkanin drejt fitores 2:0 ndaj Dukagjinit.

“Ka qenë një ndeshje e vështirë, por pushimi që e kishim për ndeshjet e Kombëtares na ka ndihmuar që të punojmë dhe të analizojmë mirë kundërshtarin. Jam i lumtur, në aspektin individual, që kam shënuar dy gola dhe që po arrij ta ndihmoj ekipin. I falënderoj bashkëlojtarët dhe shtabin teknik për besimin dhe bashkëpunimin”, tha Kryeziu për faqen zyrtare të FFK-së.