Kryeministri në detyrë i Republikës së Kosovës, Albin Kurti, së bashku me zëvendësministrin në detyrë, Taulant Kelmendi, mirëpritën nxënësit e Ekipit të Kosovës në Olimpiadën e Shkencës NEO, e cila u mbajt në Orlando të Shteteve të Bashkuara të Amerikës.
Në mesin e 300 nxënësve nga 30 vende, nxënësit tanë nga klasa e III deri në XII fituan gjithsej 16 medalje, prej tyre gjashtë të arta, tre të argjendtë dhe shtatë të bronzta, si dhe zënë shtatë vende në kategorinë “Më të mirët e më të mirëve”, në garat e matematikës, shkencës, biologjisë, kimisë, kodimit dhe inteligjencës artificiale.
Kurti dhe Kelmendi i uruan nxënësit dhe mësuesit për këtë sukses të jashtëzakonshëm dhe dhanë mbështetjen e plotë institucionale në rrugëtimin e tyre shkencor dhe profesional. Gjatë takimit, nxënësit ndanë kujtimet dhe përvojat e tyre më të mira gjatë qëndrimit në Orlando dhe pjesëmarrjes në këtë olimpiadë ndërkombëtare.
Të tjera
Osmani takon shefin e OSBE-së, thekson rëndësinë e konstituimit sa më të shpejtë të institucioneve
Komuna e Obiliqit ashpërson masat ndaj ndotjes, gjoba deri në 1000 euro
Rinumërohen mbi 70% e vendvotimeve në QNR, 25 komuna përmbyllin procesin