Kurti takon ambasadorin britanik, diskutojnë për formimin e institucioneve

Kryeministri në detyrë i Kosovës, Albin Kurti, është takuar me ambasadorin e Britanisë së Madhe, Jonathan Hargreaves.

Gjatë takimit, u diskutuan zhvillimet e fundit, rëndësia e përmbylljes së procesit zgjedhor dhe formimit sa më të shpejtë të institucioneve, si dhe temat me interes bilateral.

“Kryeministri Kurti falënderoi ambasadorin për bashkëpunimin e ngushtë dhe mbështetjen e vazhdueshme të Mbretërisë së Bashkuar ndaj Republikës së Kosovës,” thuhet në njoftimin e Zyrës së Kryeministrit.