Kryeministri në detyrë Kosovës, Albin Kurti, ka pritur në një takim miqësor shkrimtaren franceze Sophie Kepes, e cila po qëndron në Kosovë me rastin e prezantimit të librit të saj “Çpërkatësia” (Désappartenir), të përkthyer në shqip dhe të prezantuar në Panairin e 25-të të Librit në Prishtinë.
Zyra për informim e Kryeministrit, bënë të ditur se në takim mori pjesë edhe shkrimtari Abdullah Zeneli, me të cilin u diskutua për veprat letrare klasike e bashkëkohore, si dhe për rolin e panaireve të librit në promovimin e kulturës së leximit.
Sophie Kepes është shkrimtare, përkthyese, skenariste dhe pedagoge, një emër i njohur i letërsisë franceze bashkëkohore, me përvojë të gjerë në fushat e romanit, esesë dhe skenarit, si dhe në mësimdhënie në Universitetin Paris 3 – Sorbonne Nouvelle.
Të tjera
Thaçi nga Haga: Më është mbyllur goja për të folur dhe më janë lidhur duart për të shkruar
Kurti nga Jerevani: Anëtarësimi në BE dhe në NATO, garanci për stabilitetin e Kosovës
Ata që hanë ushqim djegës çdo ditë rrezikohen nga dementia