Ministria e Arsimit, Shkencës, Teknologjisë dhe Inovacionit ka marrë vendim për të rishikuar kurrikulat lëndore dhe programet mësimore për arsimin fillor ( klasat 1-5) dhe të mesëm të ulët (6-9).
Ministrja e Arsimit, Arbërie Nagavci, ka thënë se ky proces po bëhet për ngritjen e cilësisë.
“Me këtë proces të përditësimit dhe modernizimit në përputhje me Kornizën Kurrikulare dhe kurrikulat bërthamë, synojmë ngritjen e rezultateve të nxënësve, zhvillimin e kompetencave dhe shkathtësive të tyre”, tha ajo.
Nagavci shtoi se rishikimi i kurrikulave dhe programeve mësimore me qëllim rritjen e cilësisë së tyre, koherencës dhe harmonizimit me dokumentet startegjike ashtu si dhe nevojave bashkëkohore, është thelbësor për të garantuar arritje më të mira të nxënësve.
“Ky proces do të mundësojë edhe zhvillimin dhe ofrimin e teksteve shkollore cilësore, burimeve të tjera mësimore që mbështesin procesin e të nxënit, lehtësimin e ngarkesës së fëmijëve dhe peshës së çantës”, tha Nagavci.
Të tjera
Ministri i Mbrojtjes së Mbretërisë së Bashkuar mbyll vizitën në Kosovë: Mbetemi partner i palëkundur
Drita nis përforcimet për edicionin e ri
VV-ja nesër mban mbledhjen e Këshillit të Përgjithshëm, bëhet prezantimi dhe zgjedhja e kandidatit për kryeministër