Gjykata e Lartë amerikane ka vendosur këtë të premte që Administrata Trump mund të revokojë përkohësisht statusin ligjor të mbi 500 mijë emigrantëve që jetojnë në Shtetet e Bashkuara të Amerikës.
Sipas BBC-së, ky vendim pezullon një urdhër të mëparshëm të një gjykatësi federal që ndalonte administratën nga mbyllja e programit të imigracionit të quajtur “Parole”, program ky i krijuar nga ish-presidenti Joe Biden.
“Parole” mbronte emigrantët që largoheshin nga kriza ekonomike dhe politike në vendet e tyre të origjinës, ndërsa urdhri i ri nënkupton se rreth 530 mijë emigrantë nga Kuba, Haiti, Nikaragua dhe Venezuela janë në rrezik të dëbohen nga Shtetet e Bashkuara, transmeton Klankosova.tv.
Ky vendim vjen pas vendimit të Gjykatës së Lartë më parë këtë muaj që lejoi zyrtarët e Trumpit të revokojnë Statusin e Mbrojtur të Përkohshëm, një program i veçantë për rreth 350 mijë emigrantë venezuelanë që jetojnë dhe punojnë në SHBA.
Të tjera
Sorensen mirëpret angazhimin e Kosovës për zbatimin gradual të Ligjit për të Huajt dhe Ligjit për Automjetet
Qeveria do t’u ofrojë leje qëndrimi për 12 muaj studentëve dhe punëtorëve serbë
Kujdesi ndaj alergjive në stinën e pranverës