Ish-ministri i Mbrojtjes, Armend Mehaj, ka uruar Republikën e Turqisë me rastin e 102-vjetorit të Ditës Shtetërore, duke shprehur mirënjohje për mbështetjen e vazhdueshme që ky shtet i ka dhënë Kosovës.
Në urimin e tij, Mehaj i ka përcjellë “ndjenjat më të sinqerta të respektit dhe miqësisë” presidentit Rexhep Tajip Erdogan dhe popullit turk, duke theksuar se Turqia ka qenë gjithmonë një aleate e qëndrueshme e Kosovës, sidomos në fushën e mbrojtjes dhe sigurisë.
“Republika e Turqisë ka qenë dhe mbetet një nga shtetet më të rëndësishme mike të Kosovës, duke dhënë kontribut të jashtëzakonshëm për zhvillimin e Ushtris sonë. Uroj që marrëdhëniet mes dy vendeve tona të thellohen edhe më tej, veçanërisht në fushën e bashkëpunimit ushtarak”, ka shkruar Mehaj në Facebook.
Sipas tij, në kohën kur Turqia u godit nga tërmeti shkatërrues, “Ne, Kosova reagoi menjëherë, duke dërguar njësi të specializuara për kërkim-shpëtim te paret ne Europe. ashtu siç i takon një aleati të vërtetë që i del në ndihmë aleatit të tij”.
Të tjera
“Veprim i pamatur”, Ish-kryetari i Gjykatës Kushtetuese: Ja ku gaboi Osmani
Albin Kurti s’është për kryeministër, sa më parë që largohet nga pushteti, aq më mirë
Vuçiq përfshin sërish Kosovën në strategjinë “Serbia 2030”, përsërit pretendimet territoriale