Nga sot e deri më 26 janar të gjithë ata që kanë pësuar dëme në ekonomitë familjare dhe në biznese si shkak i vërshimeve në komunën e Mitrovicës së Jugut mund të aplikojnë për vlerësimin e këtyre dëmeve, transmeton KosovaPost.
Kjo pasi nga kjo e hënë është afati për të aplikuar për kompensim dëmesh.
“Të gjithë qytetarët e prekur nga vërshimet ftohen që, brenda afatit të përcaktuar, të paraqesin kërkesën e tyre pranë Zyrës Pritëse (Qendra për Shërbime të Qytetarëve) në Komunën e Mitrovicës”, thuhet në njoftim, derisa kanë treguar se çfarë dokumentacioni duhet të paraqesin qytetarët e prekur nga vërshimet kur aplikojnë.
“Formulari i aplikimit (merret në zyrën pritëse të Komunës), të dhënat personale të aplikuesit (emri, mbiemri, numri personal, adresa dhe numri kontaktues), kopje e letërnjoftimit, numri i anëtarëve të familjes, adresa dhe numri i shtëpisë/objektit, fotografi që dëshmojnë gjendjen reale të dëmeve, të realizuara në vendin e dëmtuar, konfirmimi bankar (llogaria bankare në emër të aplikuesit), çdo dokument shtesë që vërteton pronësinë ose dëmin e pësuar”, thuhet në njoftimin e komunës së Mitrovicës së Jugut.
Të tjera
Trumpi do të takohet me udhëheqësen e opozitës venezueliane
S’ka lidhje sasia por cilësia e gjumit, për të pasur një tru të shëndetshëm
Policia apelon për kujdes e përdorim të pajisjeve dimërore