Paratë e pashpenzuara nga Buxheti i vitit 2025 janë transferuar në Fondin e Veçantë të Pensioneve.
Bëhet fjalë për një shumë prej rreth 167 milionë eurosh, të depozituara në Llogarinë e Bankës së Shqipërisë.
Paratë e pashpenzuara nga Buxheti i ministrive dhe institucioneve publike gjatë vitit 2025 janë transferuar në Fondin e Veçantë të Pensioneve.
Minstria e Financave deklaron se ky transferim synon forcimin e stabilitetit financiar të skemës publike të pensioneve dhe për të përmirësuar menaxhimin afatgjatë të saj.
Fondet e pashpenzuara, të cilat zakonisht mbyllen në fund të vitit buxhetor, këtë herë janë orientuar drejt një qëllimi specifik: krijimit të një rezerve shtesë për përballimin e detyrimeve të ardhshme të pensioneve.
Qeveria thekson se Reforma e Pensioneve do të vijojë të zbatohet, me synimin për ndërtimin e një sistemi më të drejtë, më të qëndrueshëm dhe më të besueshëm për qytetarët.
Në këtë kuadër, forcimi i rezervave financiare konsiderohet një hap konkret drejt garantimit të pagesave të qëndrueshme dhe të sigurta për pensionistët aktualë dhe ata të ardhshëm, raporton Euronewsal.
Të tjera
Zbulo nëse je në një martesë të palumtur
Arben Gashi godet Abdixhikun: Isha kritik i hapur….
“Drejtësia e prekshme për qytetarët” – Gërvalla viziton Zyrën për Ndihmë Juridike Falas në Gjilan