Për herë të parë vajzat kanë fushën e tyre të futbollit

Kryetari i Komunës së Prishtinës, njëherit edhe kandidat poashtu për kryetar të kësaj komune nga radhët e LDK-së, Përparim Rama, ka dhënë lajmin se për herë të parë në Kosovë, vajzat kanë fushën e tyre të futbollit.

“Për herë të parë në Kosovë, vajzat kanë fushën e tyre të futbollit. ⚽️ Kenaqësi e jashtëzakonshme me pa entuziazmin e vajzave në momentin e pranimit të terrenit të futbollit në Bardhosh.KFV Prishtina, që nga dita e parë, i ka hapur dyert për vajzat e kryeqytetit nga 5-vjeçaret e deri te senioret pa asnjë pagesë dhe Ne, si Kryeqyteti, vazhdojmë t’i përkrahim.Kjo fushë është më shumë se sport: është barazi, është mundësi dhe është premtim për një gjeneratë vajzash që rriten të gatshme të arrijnë majat”, ka shkruar Rama.