Kryeministri i Kosovës, Albin Kurti, ka bërë të ditur se para dy vitesh, në kuadër të Policisë së Kosovës, është themeluar Drejtoria e Mbrojtjes Ajrore, e cila përfshin njësitë dron dhe antidron si komponentë kyç të sigurisë.
Në një postim të tij, Kurti ka njoftuar se në Kampin e Njësive Speciale në Vrellë është realizuar testimi i mundësive të mbrojtjes ajrore, duke u mbështetur në kapacitetet e brendshme të Policisë së Kosovës.
Ai ka falënderuar zyrtarët policorë për angazhimin dhe profesionalizmin e treguar gjatë këtij procesi, duke theksuar se mbështetja institucionale për ngritjen dhe fuqizimin e këtyre kapaciteteve do të vazhdojë edhe në të ardhmen.
Sipas Kurtit, zhvillimi i këtyre njësive paraqet një hap të rëndësishëm në forcimin e sigurisë dhe rritjen e gatishmërisë së Policisë së Kosovës për përballje me sfidat moderne të sigurisë.
Të tjera
Pse duhet t’i konsumoni vezët?
Gjërat që duhet të dini nëse partneri juaj vuan nga ankthi
Mish rose me portokall, ja si ta përgatisni