Policia parandalon kontrabandën me telefona dhe para të padeklaruara në Aeroportin e Prishtinës

Policia e Kosovës, në bashkëpunim me Doganën e Kosovës, ka parandaluar dy raste kontrabande në Aeroportin Ndërkombëtar “Adem Jashari”.

Më 20 shtator 2025, dy pasagjerë nga Zvicra, një shqiptar dhe një serb, u ndaluan pas kalimit të kontrollit të pasaportave.

Gjatë kontrollit në trupin e tyre, u gjetën të fshehur 10 telefona iPhone 17, pa deklarim, me vlerë rreth 10,000-11,000 euro.

Po të njëjtën ditë, një pasagjer nga Bazeli u ndalua pasi në valixhen e tij u gjetën 36,450 euro të padeklaruara. Të dy rastet janë në trajtim sipas procedurave ligjore.