Presidentja Osmani emëron Edona Malokun ambasadore në Portugali

Presidentja e Kosovës, Vjosa Osmani, ka emëruar Edona Malokun në postin e ambasadores së Kosovës në Lisbonë të Portugalisë.

Osmani në platformën “X”, ka pohuar se Edona Maloku është profesioniste e dalluar, transmeton Telegrafi.

“E lumtur që kam emëruar Edona Malokun, akademike dhe profesioniste e dalluar si ambasadore e Kosovës në Republikën Portugeze”, shkruan Osmani.

Gjithashtu, ajo ka shkruar se beson në angazhimin e saj, duke punuar drejt thellimit të lidhjeve të miqësisë mes dy shteteve.

Ndryshe, Edona Maloku-Bërdyna, kishte dhënë dorëheqje nga pozita e zëvendësministres së Arsimit para një viti.