Procesi i Berlinit në Londër – Rama ndan pamje nga takimi me liderët e rajonit

Kryeministri i Shqipërisë Edi Rama ka ndarë mëngjesin e sotëm disa momente nga Samiti i Procesit të Berlinit, i zhvilluar një ditë më parë në Londër. Nëpërmjet një postimi në Facebook, Rama publikoi një seri fotosh nga takimi, ku Shqipëria mori pjesë së bashku me vendet e tjera të Ballkanit Perëndimor.

“Mirëmëngjes dhe me foto-albumin e ditës së djeshme në Londër, në Samitin e Procesit të Berlinit, ku Shqipëria ishte pjesë aktive e diskutimeve për bashkëpunimin rajonal, rritjen ekonomike, sigurinë dhe rrugën drejt anëtarësimit europian, ju uroj një ditë të mbarë”, shkruan Rama krahas fotove.