Prokurori Nathan Quick gjatë deklaratës përfundimtare të Prokurorisë ka deklaruar se Adem Demaçi kishte rol të kufizuar në krijimin e institucionet por ai ishte vartës i Hashim Thaçit.
Quick tha se mbrojtja e Thaçit përpiqet në mënyrë të vazhdueshme që të thotë se ishte Demaçi ai që kishte autoritet dhe pozicion. Megjithatë, Quick thotë se kjo ishte e pabazuar.
“Demaçi kishte një rol të kufizuar në krijimin e institucioneve të Kosovës por ai nuk ishte anëtar i Shtabit të Përgjithshëm. Edhe ai ishte në vartësi të Thaçit”.
Quick tha se krahas rolit politik, Veseli gjithashtu ka qenë shef i shërbimit informativ i njohur ndryshe si G2.
Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.
Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.
Të tjera
Ushqimet që ju ndihmojnë për të mbetur shtatzënë
Misri, një burim mineralesh dhe antioksiduesish
Çfarë duhet të dini për migrenën