Zv.ministrja në detyrë e Punëve të Jashtme, Liza Gashi, është deklaruar lidhur me reagimet e ambasadave të huaja për moscertifikimin e listës së kandidatëve për deputetë të Listës Serbe. Ajo tha se institucionet e Kosovës i respektojnë qëndrimet e ambasadave, por se çdo shtet i merr vet vendimet e veta.
Gashi theksoi se Lëvizja Vetëvendosje ka një qëndrim të pandryshuar ndaj Listës Serbe, duke argumentuar se lista e propozuar “nuk i kontribuon pluralizmit politik në vend”.
“Unë s’mund të jap cilësime ndaj ambasadave respektive. Ne i respektojmë qëndrimet dhe vendimet e tyre. Secili shtet merr vendimet e veta. Ne si VV kemi një qëndrim sepse kemi një listë argumentesh pse kjo listë s’është në interes të komunitetit serb në Kosovë”, deklaroi Gashi në T7.
Të tjera
Të mirat e dardhës, ndihmon edhe kundër diabetit
Do të marrim edhe helikopterë Black Hawk
Shqiptarët në Luginë përballen me bllokim fondesh, pasivizim adresash dhe krizë sigurie