Rrëfimi i nënës së Nasim Haradinajt: Pas arrestimit të burrit e djemve edhe të njohurit në Pejë s’na pranonin si mysafirë

Nëna e Nasim Haradinajt, Myzaqete Haradinaj, në një intervistë në FRONTAL të T7 ka rrëfyer për vështirësitë që ka kaluar gjatë kohës së regjimit serb në Kosovë.

Ajo ka treguar madje se si pas arrestimit të burrit të saj dhe djemve, kishin hasur edhe në refuzim për t’u pranuar si mysafirë edhe nga njerëz të njohur që i kishin pasur në qytetin e Pejës, meqë iu duhej ta kalonin natën diku për të udhëtuar më pas në mëngjes për Prishtinë me autobusin e orës 5 të mëngjesit.

“S’na pranonin as si mysafirë. S’na folshin as në rrugë”, ka thënë ajo./Express/