Ministri turk i Punëve të Jashtme, Hakan Fidan dhe homologu i tij iranian, Abbas Araghchi, kanë diskutuar situatën e fundit në bisedimet mes SHBA-së dhe Iranit, raporton Anadolu, transmeton KosovaPost.
Sipas burimeve diplomatike turke, biseda e tyre mbi negociatat, që vjen në një periudhë armëpushimi dyjavor në konfliktin mes vendeve, u zhvillua përmes një telefonate.
Sipas autoriteteve iraniane, më shumë se 3.300 persona janë vrarë në sulmet ajrore SHBA-Izrael në Iran që nga fillimi i tyre më 28 shkurt.
Teherani u kundërpërgjigj me sulme me raketa dhe dronë duke synuar Izraelin, Irakun, Jordaninë dhe vendet e Gjirit që strehojnë baza ushtarake amerikane, përpara se të shpallej armëpushimi dyjavor javën e kaluar.
Fundjavën e kaluar, SHBA dhe Irani zhvilluan bisedime të rralla të drejtpërdrejta në Islamabad të Pakistanit me synimin për t’i dhënë fund konfliktit, por bisedimet përfunduan pa ndonjë marrëveshje.
Të tjera
Ushqime të shëndetshme në ditët e vjeshtës
Konjufca pret sot homologun nga Belgjika, Maxime Prevot
Ky shtet miraton ligjin që lejon dënimin me burgim të përjetshëm nga mosha 12 vjeçare