Bota

Spektatorët e tmerruar, dalin pamjet e të shtënave me armë në ‘arenën e gjelave’ në Ekuador – ku mbetën 12 të vdekur

Posted on by botaelajmeve

Disa pamje të publikuara në rrjetet sociale thuhet se tregojnë momentin kur persona të armatosur futen në një “ring” dhe hapin zjarr.

Sipas përshkrimit të pamjeve, ndërsa ata qëllojnë me armë, spektaktorët e tmerruar bëjnë gjithçka për të shpëtuar.

Bëhet fjalë për një ngjarje në Ekuador, për të cilën policia e këtij vendi tha se ka arrestuar katër persona në lidhje me një sulm nga persona të armatosur në një rrjet të luftimeve me gjela, ku humbën jetën 12 persona, përcjell Telegrafi.

 

Ndërkohë armë dhe kopjet e uniformave të policisë dhe ushtrisë u kapën gjatë bastisjeve të policisë në provincën veriperëndimore Manabí të premten – një ditë pas sulmit në komunitetin rural të La Valencias.

Rreth 20 banda kriminale besohet se operojnë në vendin e Amerikës Latine, duke konkurruar për kontrollin mbi rrugët kryesore të drogës.

Presidenti i Ekuadorit Daniel Noboa ka thënë se rreth 70% e kokainës në botë tani rrjedh nëpër portet e Ekuadorit përpara se të dërgohet në SHBA dhe Evropë.

Ky janar pati 781 vrasje, duke e bërë atë muajin më vdekjeprurës në vitet e fundit. Shumë prej tyre kishin lidhje me tregtinë e paligjshme të drogës.