Tifozët spanjollë reagojnë për Vedat Muriqin, kështu e krahasojnë

Reprezentuesi i Kosovës, Vedat Muriqi, po luan rol të madh në rezultatet e skuadrës së Mallorca-s në Kampionatin e Spanjës në futboll.

Muriqi ka shënuar golin e radhës në kampionatin spanjoll, në fitoren e thellë me rezultat 4:1 ndaj Sevillës, në ndeshjen e javës së 22-të.

Ai shënoi nga penalltia për 1:0 dhe asistoi në golin e tretë.

Tifozët spanjollë të skuadrës së Mallorca-s janë të fascinuar me paraqitjet e Muriqit dhe komentojnë në faqen zyrtare të klubit.

Jaume Martí ka befasuar me komentin: “Të paktën nuk shënon penallti si ajo breshka që luan për Real Madridin”.

Jonatan GR i përgjigjet Jaume Martit: “Mirë, Mbappe ka shënuar 38 për qind të golave nga penalltia dhe Muriqi 33 për qind…”.

Bamboo KS ka komentuar (tifozë nga Kosova): “Muriqi meriton një ekip të fortë rreth vetes nga drejtuesit, për të luajtur në garat e UEFA-s brenda 2–3 viteve! Mallorca e meriton, Muriqi e meriton”.

Pep Jaume ka befasuar me komentin e tij: “Është e pabesueshme që një futbollist si ai, që nuk di të luajë me këmbë, me të cilat luhet futbolli, ka shënuar kaq shumë gola dhe nuk ndalet, për të mirën e Mallorcës sime”.

Xavi Bonnín Velasco e krahason me Cristiano Ronaldon: “Ashtu si reagimi i CR7, je legjendë, Muriqi!”.