Lajme

U kërkua dënimi 45 vjet – Rron Gjinovci ironizon mbrojtjen: “S’kanë qenë në Kosovë dhe s’kanë vendosur për asgjë”

Posted on by botaelajmeve

Kimberly West, kryeprokurore e Dhomave të Specializuara në Hagë, ka kërkuar të hënën nga 45 vjet burgim për ish-krerët e Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi.

Ndërsa, të mërkurën dhe të enjten do të paraqiten dëshmitë e mbrojtjes dhe të akuzuarve në Hagë dhe për këtë ka folur aktivisti Rron Gjinovci.

Aktivisti Rron Gjinovci ka reaguar ndaj qasjes së mbrojtjes në Gjykatën Speciale, duke e cilësuar atë si të parashikueshme dhe të mbështetur në mohimin e plotë të çdo aktiviteti apo përgjegjësie lidhur me periudhën e luftës në Kosovë.

“Menxi s’po pres me ngu mbrojtjen në gjykatën speciale ka e mohon çdo aktivitet të kulshedrave dhe dragonjve me argumentet: ose ‘ata nuk ndodheshin fare në Kosovë’, ose ‘ata nuk kishin fuqi vendimmarrëse në strukturat e UÇK-së’”, ka shkruar Gjinovci.