Vota e shqiptarëve nga jashtë, PS dhe PD “ok” në parim, por ende larg për herësin në listë

Një javë para se Parlamenti të marrë pushimet, Damian Gjiknuri dhe Oerd Bylykbash ia arritën të bindin njëri-tjetrin për votën e emigrantëve.

Zgjidhja: socialistet janë tërhequr nga propozimi fillestar që të votonin, vetëm shqiptarët me adresë rezidenti, duke pranuar versionin e PD që kjo e drejtë t’u jepej të gjithë shqiptarëve që në momentin që regjistrohen në KQZ të kenë një adresë banimi.

Palët duket se janë afruar edhe sa i përket listave të hapura. Opozita nuk është dakord me herësin e propozuar nga PS, por ofrojnë që lista të jetë e ndarë në dy pjesë e hapur dhe e mbyllur, duke ju referuar dispozitës kushtetuese që jo më pak se 2/3 t’i nënshtrohet votës parapëlqyese.

Për këtë ide socialisti Damian Gjiknuri duhet të këshillohet më partinë e tij, duke mos ja rrëzuar propozimin në tryezë, por duke e lënë të hapur si mundësi.

Me argumentin që vendimet e Kushtetueses duhet të adresohen sa më shpejt, të dyja palët janë optimistë që drafti përfundimtar mund të miratohet në seancën e 25 korrikut.

Sapo të marrin përgjigjen e Gjiknurit për çështjen e listës së deputetëve, ekspertët e dialogut do të nisin punën për të shkuar draftin e përbashkët që deputetët në sallë të ngrenë kartonët jeshil./A2 CNN