Zbulohen gjenet e pagjumësisë

Një grup shkencëtarësh kanë identifikuar 57 gjene të lidhura me simptomat e pagjumësisë.

Studiuesit nga “Harvard Medical School” në bashkëpunim me “University of Exeter Medical School” treguan një lidhje shkakësore mes insomnisë (pagjumësisë) dhe sëmundjes së arteries koronare.

“Gjetjet tona konfirmojë rolin e gjenetikës në simptomat e pagjumësisë”, tha autorja e studimit Jacqueline Lane. “Gjenet e identifikuara na ndihmojnë të kuptojmë pse njerëzit vuajnë nga pagjumësia dhe cilat sisteme preken. Kjo do na ndihmojë në trajtime të reja terapeutike”.

Pagjumësia prek rreth 10 deri në 20 % të të rriturve dhe sipas studimeve në rreth 1/3 e rasteve pagjumësia është e trashëguar.

Gjithashtu, vlerësohet se pagjumësia rrit rrezikun e çrregullimeve të ankthit, çrregullimit të përdorimit të alkoolit, depresionit të madh dhe sëmundjes kardiomiektolike.

Shkencëtarët kanë analizuar të dhënat e 450.000 pjesëmarrësve në studim, 29 % e të cilëve kanë raportuar simptoma të shpeshta të pagjumësisë.

Dhe u zbulua se ka një lidhje midis pagjumësisë dhe çrregullime kronike dhe tani ka dëshmi se rreziku i depresionit dhe sëmundjeve të zemrës rritet për shkak të këtij çrregullimi.