Tottenham Hotspur ka zyrtarizuar transferimin e mbrojtësit skocez, Andy Robertson, i cili do t’i bashkohet klubit më 1 korrik pas përfundimit të kontratës së tij me Liverpoolin.
Klubi londinez e konfirmoi lajmin përmes një njoftimi zyrtar, duke shprehur kënaqësinë për afrimin e një prej mbrojtësve më të suksesshëm të viteve të fundit në futbollin anglez.
Kapiteni i kombëtares së Skocisë vjen te Tottenhami me një përvojë të jashtëzakonshme dhe me një koleksion të pasur trofesh të fituara gjatë periudhës së tij te Liverpooli. Robertson ka qenë një nga figurat kyçe të “The Reds”, duke kontribuar në sukseset e klubit në Premier League, Ligën e Kampionëve dhe kompeticione të tjera madhore.
Në njoftimin e Tottenhamit, Robertson u vlerësua jo vetëm për cilësitë e tij në fushë, por edhe për lidershipin që ka treguar ndër vite si kapiten i Skocisë dhe si një nga lojtarët më të respektuar në futbollin britanik.
Me këtë transferim, Tottenham siguron një përforcim me përvojë të madhe për repartin defensiv, ndërsa Robertson nis një kapitull të ri në karrierën e tij pas viteve të suksesshme të kaluara në “Anfield”.
Mbrojtësi skocez do të jetë zyrtarisht pjesë e Tottenhamit nga 1 korriku, kur kontrata e tij me Liverpoolin të skadojë.
Të tjera
Një vezë dhe uthull molle kundër sheqerit në gjak
Ylli 100 milionë eurosh dhe 10 yjet që mbetën jashtë Botërorit 2026
Lamine Yamal shpallet “lojtari i sezonit” në La Liga