Drejtori i futbollit i Manchester Cityt, Txiki Begiristain, do të largohet nga klubi në fund të sezonit, duke i dhënë fund mandatit të tij 12-vjeçar.
Begiristain, i cili mbushi 60 vjeç në gusht, fillimisht kishte planifikuar të tërhiqej në moshën 55-vjeçare, por vazhdoi për shkak të angazhimit të tij ndaj projektit të Cityt dhe partneritetit me trajnerin Pep Guardiola.
Hierarkia e klubit miratoi vendimin e Begiristain për t’u larguar dhe një zëvendësues është renditur për të filluar në janar të vitit 2025.
egiristain luajti një rol kyç në rekrutimin e pasuesit të tij dhe do të mbikëqyrë një periudhë gjashtëmujore të dorëzimit të detyrës.
Spanjolli iu bashkua Cityt në vitin 2012, duke u ribashkuar me drejtorin ekzekutiv, Ferran Soriano, me të cilin ka punuar në Barcelonë nga 2008 deri në 2010.
Të tjera
Këto janë pijet ideale për të humbur peshë
Të mirat shëndetësore që vijnë nga produktet e qumështit
Priti penalltinë, Aro Muriq shpallet “Man of the Match” ndaj Juventusit