Shtesat për fëmijë vazhdojnë të jenë skema sociale me numrin më të madh të përfituesve në Kosovë.
Sipas të dhënave të publikuara nga Agjencia e Statistikave të Kosovës (ASK), gjatë muajit maj 2026 nga kjo skemë kanë përfituar 405 mijë e 935 persona, ndërsa vlera e mjeteve të shpërndara ka arritur në mbi 14.7 milionë euro.
Statistikat e mirëqenies sociale, të publikuara më 22 qershor, tregojnë se pensionet bazike të moshës vazhdojnë të jenë kategoria me shpenzimet më të larta.
Gjatë muajit maj, 166 mijë e 985 pensionistë kanë përfituar nga kjo skemë, për të cilën janë ndarë afro 26.9 milionë euro.
Ndërkohë, pensionet kontributpaguese të moshës janë përfituar nga 48 mijë e 1 persona, me një vlerë prej rreth 12 milionë eurosh.
Një numër i konsiderueshëm përfituesish është regjistruar edhe te pensionet e veteranëve, ku 39 mijë e 417 persona kanë marrë mbështetje financiare në vlerë prej rreth 8 milionë eurosh.
Sipas ASK-së, nga pensionet për personat me aftësi të kufizuara kanë përfituar 21 mijë e 532 persona, ndërsa për këtë kategori janë shpenzuar më shumë se 3.5 milionë euro.
Në të njëjtën periudhë, 2 mijë e 375 persona kanë përfituar pensione familjare, ndërsa 3 mijë e 594 persona kanë marrë pensione për paraplegjikë dhe tetraplegjikë.
Të dhënat e muajit maj tregojnë vazhdimin e mbështetjes së gjerë sociale në Kosovë, me fokus të veçantë te familjet me fëmijë dhe pensionistët, të cilët përbëjnë grupet kryesore përfituese nga skemat sociale të shtetit.
Të tjera
Pse duhet të filloni të hani ananas sa më shpesh?
Disa këshilla për ta menaxhuar një lidhje në distancë
KEDS përfundon investim të rëndësishëm në Nënstacionin Prizreni 1