Nuk është Elvana, shkaku i “ndarjes” së Romeos me Heidin qenka Semi Jaupaj

Mes gjithë aludimeve për ndarje nga Heidi Baci, Romeo duket se i ka hedhur ‘benzinë zjarrit’ me veprimin e fundit, duke larguar çdo postim nga Instagrami i tij.

Veprimi i aktorit erdhi menjëherë pasi në “Goca dhe Gra” u publikua poezia e Heidit nga Egla, çka bëri që në rrjet të aludohej se ishte pikërisht kjo arsyeja e vendimit të Romeos për të larguar gjithçka nga Instagrami i tij.

Mirëpo, duket se kjo nuk është e vërtetë, të paktën sipas disa burimeve të reja.

Disa zëra thonë se ky veprim i Romeos nuk ka të bëjë aspak me Heidin, por me punën e tij.

Sipas informacioneve, Romeo do të sjellë këtë javë një bashkëpunim suprizë me këngëtaren Semi Jaupaj dhe ka marrë këtë vendim për t’i lënë këtij projekti muzikor gjithë vëmendjen e rrjeteve të tij sociale – një veprim ky i zakonshëm për këngëtarët kur duan të promovojnë një projekt të ri.

Nga ana tjetër, edhe Semi ka bërë një postim në Instagram ku shkruan: “Këtë javë?, duke lënë të kuptohet se një projekt i ri muzikor po vjen.

Kënga thuhet se do të lancohet ditën e martë ose të mërkurën e kësaj jave, kështu që na mbetet të presim vetëm pak për të mësuar lidhur me veprimin e Romeos.

Më herët u aludua se ‘molla e sherrit’ mes aktorit dhe Heidit kishte qenë këngëtarja Elvana Gjata, falë afrimitetit që Romeo ka shfaqur me të gjatë xhirimit të ‘Tenxherja Kapakun’. Por, Heidi i hodhi poshtë këto aludime duke u shprehur në ‘Goca dhe Gra’ se është ‘Team Elvana’