Tahiri: Angazhimi për ta bërë Kosovën më mirë është i mangët pa diasporën tonë

Shefi i Grupit Parlamentar të Partisë Demokratike të Kosovës (PDK), Abelard Tahiri, ka theksuar rëndësinë e diasporës për zhvillimin e Kosovës dhe ka deklaruar se angazhimi për ta bërë vendin më të mirë është i pamjaftueshëm pa përfshirjen e saj.

Në një postim të tij në rrjetet sociale, Tahiri ka nënvizuar se PDK e konsideron diasporën si një faktor kyç në zhvillimin ekonomik dhe politik të Kosovës.

“Angazhimi për ta bërë Kosovën më mirë është i mangët pa diasporën tonë,” ka shkruar Tahiri, duke përshëndetur takimin e Bedri Hamzës, me bashkatdhetarët kosovarë në Muttenz të Bazelit, gjatë një vizite të rëndësishme.