Bota

Marine Le Pen shpallet fajtore për “përvetësim të fondeve të BE-së”

Posted on by botaelajmeve

Marine Le Pen, liderja e “Tubimit Kombëtar” të ekstremit të djathtë, u shpall fajtore për shpërdorim të fondeve publike, vendosën të hënën gjykatësit e Parisit, në një moment vendimtar për Le Pen, pasi mund të vendosë për të ardhmen e saj politike.

Le Pen dhe 24 kolegë të tjerë të Tubimit Kombëtar janë akuzuar për përvetësim të parave të destinuara për ndihmësit e Parlamentit Evropian për të paguar stafin që punonte për partinë gjatë një periudhe katërvjeçare, shkruajnë mediat e huaja, përcjell Bota e Lajmeve.

Pas përfundimit të gjyqit në nëntor, prokurori i shtetit kërkoi vendime fajësie për Le Pen dhe bashkë-pandehurit e saj, të cilët kanë mohuar çdo keqbërje.

Prokurori kërkoi gjithashtu që Le Pen të gjobitet me 300 mijë euro, të vuajë deri në 10 vjet burg dhe, më e rëndësishmja, të ndalohet nga kandidimi për poste publike me efekt të menjëhershëm për pesë vjet nëse shpallet fajtor.

Tre gjyqtarët nuk ishin të detyruar të ndiqnin rekomandimet e prokurorit.

Megjithatë, një vendim si fajtore për Le Pen mund ta ndalojë atë të kandidojë në garën presidenciale të vitit 2027 në atë që ajo e përshkroi si “vdekje politike”.

Ajo mohoi akuzat se ishte në krye të “një sistemi” që synonte të nxirrte paratë e parlamentit të BE për të përfituar partia e saj, duke argumentuar në vend të kësaj se ishte e pranueshme të përshtatej puna e ndihmësve parlamentar me nevojat e ligjvënësve të partisë së saj.

Ndërsa dëshmonte, Le Pen i tha gjykatës: “Unë absolutisht nuk ndjej se kam kryer parregullsinë më të vogël, lëvizjen më të vogël të paligjshme”.