Rrjedhja e mesazheve të LDK-së, reagon Rexhaj: PZAP dhe Gjykata supreme rrëzuan ankesën e VV-së

Deputeti i Lëvizjes Vetëvendosje, Arbër Rexhaj, ka komentuar publikimin e mesazheve në Viber të Lidhjes Demokratike të Kosovës, në të cilat diskutohet vjedhja e votave të diasporës brenda partisë.

Rexhaj ka shkruar në Facebook se PZAP dhe Gjykata Supreme rrëzuan ankesën e VV-së në lidhje me manipulimin e votave nga diaspora, ndërsa vetë LDK-ja pranon se ka pasur vjedhje industriale.

Postimi i plotë: 

PZAP dhe Gjykata Supreme rrëzoi ankesën tonë në lidhje me manipulimin e votave nga diaspora. Ndërsa vetë LDK-ja e pranon që ka pasur vjedhje industriale të votave nga diaspora.

Prandaj veprimet e tyre kanë qenë jo të drejta, të turpshme dhe ato e kanë lënduar demokracinë në vendin tonë.

Çdo orë që vonon prokuroria në hetimin e kësaj ngjarjeje e thellon edhe më tej problemin.