VV nuk ka ndryshuar emrin e kandidates për pozitën e kryeparlamentarit

As në përpjekjen e 14 për konstituimin e Kuvendit, Lëvizja Vetëvendosje nuk ka ndryshuar emrin e kandidates për pozitën e kryeparlamentarit.

Këtë e konfirmoi deputeti, Faton Peci. Ai tha se nuk do të bëjnë negociata rreth emrit të kryeparlamentarit të ri, teksa u shpreh se varet nga opozita konstituimi i institucionit ligjvënës.

“Ne po vijmë me vullnet pozitiv. Dihet që konstituimi varet nga opozita. Nëse ata kanë reflektuar do të kemi ndryshim të gjendjes. Për neve është i rëndësishëm vullneti i plotë i secilit deputetë për këtë edhe kemi propozuar votimin e fshehtë”, deklaroi ai.